Здраво!
Како ви звучи да поминете неколку часа правејќи нешто волшебно со рацете од најприроден материјал, во друштво на убави луѓе, пиејќи си кафенце или чајче?
Звучи примамливо, зар не?
На нашите работилници имате можност да творите со глина и да уживате во креативната атмосфера.
Постоиме од 2013 година и се занимаваме првенствено со држење работилници и создавање керамики.
Студиото се наоѓа во Ѓорче Петров I , (близу до Порта Влае). Секогаш има бесплатен паркинг и ако дозволуваат временските и техничките услови работилниците ги држиме на отворено во дворчето на ателјето.
На сите работилници се употребува црвена македонска глина.
Глазурите кои ги користиме се безоловни, а тоа значи дека на крај садовите може да си ги користите бидејќи се безбедни во допир со храна. И да, се одржуваат во машина за садови!
Предметите ги подигате откако ќе ви пратиме писмено известување дека се готови.
По изработката ни ги оставате на сушење (3 недели), потоа следи прво печење, па глазирањедоколку е вклучено во работилницата) и на крај следи второ печење по што предметите се спремни за да им се радувате и да ви го разубавуваат секојдневието. Процесот до финален производ може да трае 1-2 месеци (знаеме дека е долг, но вреди!:)
Со секоја работилница го добивате предметот што самите ќе си го изработите.
Работилници
* Вино и глина (макс. 10 учесници) (траење: 2 часа) - 1200 ден од човек (За приватен настан со 10 учесниции имаме специјален попуст) (добивате чаша вино, 1 предмет што ќе си го изработите, печен до теракота. Глазирање не е вклучено. Доколку сакате да биде изглазиран предметот имате можност да дојдете дополнително на глазирање кое би чинело +500 ден)
* Глазирање (макс. 10 учесници) (траење: 1 час) -1500 ден за двајца (родител со дете)(2 другарки)(парови) (добивате вкупно 2 предмети по избор).
*Грнчарско тркало (траење 2 часа) - 3000 ден (Терминот за оваа работилница е само за Вас. Може да го искористите како индивидуален час за една личност, може во пар или друштво. Добивате вкупно 2 предмети. Глазирањето со транспарентна глазура е вклучено.)
* Курс за керамика (траење 5 недели; еднаш неделно по 2 часа) - 15.000 ден. за индивидуален курс за еден учесник. Ако резервирате приватно како група од 4 учесници имате специјален попуст! Секој учесник добива по 3 предмети изработени со сите техники за правење керамики а последната средба е за глазирање на изработените предмети до печење и финален производ)
Дополнителни информации:
Имаме и опција: Подарок-ваучер кој може да го подарите на Ваша драга креативна личност.
.
Резервација се прави со уплаќање на сумата на жиро сметка на фирма.
За инфо околу приватни работилници со повод или за останати прашања, пишете ни на: keramikacafeskopje@gmail.com
Kреирањето може да започне!
